تخطّي إلى المحتوى

سياسة الخصوصية

موقع ليلك (Laylak Gifts) هو موقع تعريفي لعرض منتجاتنا. الموقع ما بطلب إنشاء حساب. ممكن يتم جمع معلومات تقنية عن استخدام الموقع، مثل الصفحات اللي بتنشاف ونوع الجهاز، بهدف تحسين الموقع.

لما تختار تبعت الرسالة عبر واتساب، رقم تلفونك ومحتوى المحادثة بوصلونا من خلال واتساب وبيخضعوا لسياسة الخصوصية تبعت واتساب. تفاصيل مسوّدة الطلب المذكورة فوق، زي الاسم للطباعة أو اللون، بتكون محفوظة عنا قبل فتح واتساب. بنستخدم معلومات الطلب والمحادثة فقط لمراجعة الطلب، والتواصل معك، وتجهيز طلبك.

الشراء من صفحة الدفع تبعت GROW: لما تشتري من صفحة بيع خاصة، الاسم ورقم التلفون والعنوان والاسم للطباعة على الميدالية وأي تفاصيل تانية لازمة للطلب بتنكتب بصفحة الدفع تبعت GROW. تفاصيل وسيلة الدفع بتنعالج عند GROW حسب سياستها. تفاصيل الطلب اللي بنحتاجها للتجهيز والتوصيل بتكون متاحة إلنا بنظام GROW.

الدفع أونلاين بالموقع: لما تختار «ادفع أونلاين» بصفحة إتمام الطلب، بنحفظ مع الطلب: الاسم الكامل، رقم الجوال، البريد الإلكتروني إذا كتبته، عنوان التوصيل إذا اخترت التوصيل، والملاحظات، وموافقتك على شروط الطلب. بنستعملهم للدفع وللتوصيل وللتواصل معك بخصوص الطلب. الاسم والجوال والبريد وتفاصيل الطلب (المنتجات والأسعار) بينبعتوا لـ GROW عشان تفتح صفحة الدفع، عن طريق Make (make.com) — خدمة أتمتة بتنقل المعلومات بيننا وبين GROW. تفاصيل وسيلة الدفع، زي البطاقة، بتنكتب بصفحة GROW بس — ما بتوصلنا وما بنحفظها. من GROW بيوصلنا تأكيد الدفع: رقم العملية، الأسمكتا، المبلغ ونوع وسيلة الدفع.

الاستلام من نقطة استلام (UPS PickUP): لما تختار الاستلام من نقطة استلام، نقطة الاستلام اللي اخترتها (اسم المحل، عنوانه وساعات عمله) بتنحفظ مع الطلب. قائمة النقاط بتتحمّل من الخدمة العامة تبعت UPS إسرائيل (pickuppoint.co.il) بدون ما نبعتلها أي تفاصيل عنك. عشان ننشئ الشحنة بنعطي UPS إسرائيل اسمك، رقم جوالك والنقطة اللي اخترتها؛ UPS بتستعملهم لتسليم الطرد ولإبلاغك بوصوله، حسب سياسة الخصوصية تبعها. رقم التتبّع بينحفظ عنا مع الطلب. زر «نقاط قريبة مني» بيستعمل الموقع من المتصفح بس لترتيب القائمة بجهازك — الموقع ما بينبعت إلنا ولا لأي جهة تانية.

بطاقة NFC للشنطة: لما تطلب بطاقة NFC، رقم الطوارئ اللي بتكتبه بينحفظ مع الطلب (بطلب واتساب وبالدفع أونلاين)، عشان نبرمجه بشريحة البطاقة. بعد البرمجة الرقم بيكون مكتوب بالشريحة نفسها، وأي حدا بيقرّب تلفونه من البطاقة بيقدر يشوفه — هاد هو الهدف من البطاقة، فاكتب رقم بتوافق إنه ينعرض هيك.

Google Analytics — بس بموافقتك: بنستخدم Google Analytics 4 لقياس استعمال الموقع وتحسينه، وما بينحمّل إلا بعد ما توافق صراحةً من نافذة «استعمال Google Analytics». إذا رفضت، أو ما اخترت بعد، ما بينحمّل سكريبت Google، ما بتنبعت ولا طلبية لـGoogle، وما بتنحط كوكيز _ga. بتقدر تغيّر اختيارك بأي وقت من «إعدادات التحليلات» بأسفل الصفحة أو من هون: . اختيارك بينحفظ على جهازك بس.

إذا وافقت، هاي المعلومات اللي بتنعالج عند Google:

المعالجة بتصير حسب إعدادات الأداة الفعلية عند Google. بنستقبل عنا تقارير مجمّعة، بس المعالجة عند Google أوسع من هيك.

الروابط الخارجية: القياس التلقائي عند Google بيسجّل الضغط على الروابط الخارجية ومعه رابط الوجهة. لما تضغط زر واتساب بالموقع، الرابط ممكن يحتوي على رقم واتساب تبع المحل واسم المنتج أو صيغة رسالة عامة، والضغطة ممكن تنربط عند GA4 بمعرّف المتصفّح أو الجلسة تبعك. حسب الفحص الحالي، ما بينبعت بهالضغطة اسم الزبون، تلفونه، الاسم المطلوب للطباعة، رقم الطلب، رمز التحقق ولا محتوى الطلب من السلة.

ما بنبعث لـGoogle اسمك، رقم تلفونك، نص رسالة الطلب، رقم الطلب، رمز التحقق، ولا الاسم المطلوب للطباعة — الاسم للطباعة بيضل بالسلة وبرسالة واتساب بس، ورسالة الطلب من السلة بتنفتح بتحويل الصفحة مش بضغطة رابط، عشان هيك ما بتنسجّل بالقياس.

Meta Pixel — بس بموافقتك: بنفس الموافقة بنستخدم كمان Meta Pixel (من Meta، الشركة اللي بتشغّل فيسبوك وإنستغرام) عشان نقيس إعلاناتنا هناك. ما بينحمّل إلا بعد ما توافق؛ إذا رفضت أو لسا ما اخترت — ما بتنبعث ولا طلب لـMeta. إذا وافقت، بينبعث لـMeta: مشاهدة الصفحة، مشاهدة المنتج، الانتقال لصفحة الدفع، وشراء مدفوع ومؤكَّد — مع معرّف المنتج والمبلغ بالشيكل — وكمان معرّفات المتصفّح وكوكيز Meta (مثل _fbp)، عنوان الـIP ومعلومات الجهاز، حسب إعدادات Meta. ما بنبعث لـMeta اسمك، رقم تلفونك، عنوانك، رقم الطلب ولا الاسم للطباعة. سحب الموافقة بيوقّف الإرسال لـMeta.

Microsoft Clarity — بس بموافقتك: بنفس الموافقة بنستخدم كمان Microsoft Clarity (من Microsoft) عشان نفهم كيف بينستعمل الموقع: تسجيلات للتصفّح (حركة الماوس، الكبسات والتمرير) وخرائط حرارية، عشان نلاقي شو مش واضح أو مش شغّال. ما بينحمّل إلا بعد ما توافق؛ إذا رفضت أو لسا ما اخترت — ما بتنبعث ولا طلب لـMicrosoft وما بتنحفظ ولا كوكي. كل شي بتكتبه بالنماذج مخفي بالتسجيلات وما بينبعث: الاسم، التلفون، الإيميل، العنوان وكل الحقول بصفحة إتمام الطلب، الاسم للطباعة، رقم الطوارئ لبطاقة NFC، نقطة الاستلام، محتوى السلة ورقم الطلب — وصفحة إتمام الطلب وصفحة تأكيد الدفع مخفيات كلها. إذا وافقت، بتنحفظ كوكيز Clarity (_clck، _clsk) ومعرّف بالمتصفّح، وكمان كوكيز Microsoft على دوميناتها (مثل MUID)، حسب إعدادات Microsoft. سحب الموافقة بيوقّف التسجيل وبيمسح الكوكيز والمعرّف عندنا بالموقع.

سلة الطلب بتنحفظ محلياً على جهازك (تخزين المتصفح — localStorage) حتى ترجع تكمل طلبك، وبتقدر تفضيها بأي وقت من زر «تفريغ السلة».

لما تضغط «ابعث الطلب كامل عبر واتساب»، بنسجّل عنا مسوّدة طلب قبل ما تنفتح المحادثة، عشان نقدر نتأكد من السعر والطلب الأصلي بعدين. المسوّدة بتشمل: المنتجات والكميات اللي اخترتها، الباقة والقطع اللي جواها، وأي خيارات اخترتها داخل المنتج، مثل الاسم للطباعة أو اللون، إذا كانت متوفّرة بهذا المنتج. وكمان طريقة الاستلام والمبالغ اللي بنحسبها إحنا. بنعطيك رقم طلب ورمز تحقق عشان تقدر ترجعلهم.

المسوّدة لحالها مش طلب مؤكّد. ما بنحفظ رقم تلفونك بهالخطوة — رقمك بيوصلنا بس لما تبعت الرسالة بواتساب. ونص رسالة واتساب بينبنى وقت الطلب وبينبعتلك، بس ما بينحفظ عنا؛ اللي بنحفظه هو تفاصيل الطلب المنظّمة لحالها.

ليش بنجمع المعلومات: عشان نثبّت سعر الطلب ونقدر نراجعه بعدين، نتواصل معك، نجهّز الطلب ونسلّمه، ونتعامل مع الاستفسارات والإلغاء والاستبدال. وكمان لمنع الإساءة باستعمال الموقع، وللالتزامات القانونية والمحاسبية اللي علينا.

هل لازم تعطينا المعلومات: ما في التزام قانوني إنك تعطينا إياها، وما في حساب بالموقع. بس إذا ما أدخلت تفاصيل الطلب — المنتجات، الخيارات وطريقة الاستلام — ما بينفتح واتساب وما بنقدر نستقبل الطلب. وإذا ما بعتّ الرسالة بواتساب، ما بيوصلنا رقمك وما بنقدر نتواصل معك ولا نجهّز الطلب. الخيارات جوّا المنتج، زي الاسم للطباعة، لازمة بس للمنتجات اللي فيها الخيار هاد.

لمين بتوصل المعلومات: لـ GROW ولـ Make، بالدفع أونلاين وكما هو مفصّل فوق. واتساب، لما تبعت الرسالة، وحسب سياسة الخصوصية تبعتهم. ومزوّدي الاستضافة والبنية التحتية اللي عندهم بينحفظ الموقع وقاعدة بيانات الطلبات. و‑Google، من خلال Google Analytics، ولـMicrosoft، من خلال Microsoft Clarity، ولـMeta، من خلال Meta Pixel — بموافقتك بس وحسب اللي مفصّل فوق، ومن ضمنها قياس إعلاناتنا. ما بنبيع معلوماتك.

حق الاطّلاع والتصحيح: حسب قانون حماية الخصوصية، بتقدر تطلب تطّلع على المعلومات المحفوظة عنك، وإذا لقيتها مش صحيحة أو ناقصة أو مش محدّثة بتقدر تطلب تصحيحها أو حذفها. الأسهل إنك تبعتلنا رقم الطلب ورمز التحقق عبر واتساب، لأنهم بيساعدونا نلاقي المسوّدة الصحيحة بسرعة.

إذا ما عندك رقم الطلب أو رمز التحقق، برضو بتقدر تتواصل معنا عبر واتساب على نفس القناة، وبنعمل تحقّق معقول تاني من هويتك قبل ما نعطي معلومات شخصية أو نغيّرها. بنرد عليك بالمدة اللي بيحددها القانون.

مين المسؤول عن المعلومات: ماسترز للخدمات م.ض.، رقم الشركة 517167441. القنوات المتوفرة للتواصل معنا اليوم هي واتساب وإنستغرام @laylak.gifts، والاستلام الذاتي بيصير من كفر قرع بتنسيق مسبق.

مدة الحفظ بالدفع أونلاين: محاولة دفع ما اكتملت بتنمحى بعد 90 يوم من إنشائها، مثل مسوّدات واتساب. الطلب المدفوع بينحفظ قدّ ما في حاجة تشغيلية أو واجب قانوني ومحاسبي، وبعدها بينمحى أو بينحفظ بدون معلومات شخصية.

عنوان الـ IP تبعك ما بينحفظ بجدول الطلبات عنا. لمنع الإساءة بنحسب منه بصمة رقمية باتجاه واحد (HMAC مع مفتاح سرّي عالخادم) — يعني قيمة ما بترجع تتحوّل للعنوان الأصلي، وهي مش تشفير للعنوان. وسجلات الحد من الطلبات بتنمسح تلقائياً خلال ٢٤ ساعة عالأكثر من انتهاء فترة القياس. بنفس الوقت، مزوّدي الاستضافة والبنية التحتية اللي بنشتغل معهم ممكن يعالجوا ويحفظوا بيانات شبكة وسجلات تقنية (زي عناوين IP) حسب سياساتهم هنّه.

مدة الاحتفاظ بتعتمد على وضع الطلب. المسوّدات اللي ما اكتملت — يعني اللي ضلّت بانتظار واتساب، أو انلغت، أو انتهت صلاحيتها — بعد مرور ٩٠ يوم من إنشائها، بنمسحها أو بنحوّلها لبيانات مجهولة الهوية بالكامل بأقرب دورة حذف تلقائية دورية. وما بيضل منها إشي مربوط فيك أو برقم الطلب؛ ممكن يضل بس رقم إحصائي مجمّع ما بينربط بزبون ولا بطلب معيّن.

الطلبات اللي تأكّدت أو اكتملت فعلاً بنحتفظ فيها طول ما في حاجة تشغيلية (متابعة الطلب، ضمان، استبدال) أو التزام قانوني ومحاسبي، وبعدها بنمسحها أو بنخلّيها بدون معلومات شخصية. بتقدر تطلب حذف مسوّدتك بأي وقت عبر واتساب مع رقم الطلب.

لأي سؤال عن الخصوصية، تواصلوا معنا عبر واتساب أو إنستغرام @laylak.gifts.

المشغّل: ماسترز للخدمات م.ض.، رقم الشركة 517167441 · العنوان: كفر قرع

آخر تحديث: 03/10/2026

الرجوع للصفحة الرئيسية